Hywer har levert mekanisk utrustning i vassveg og rør til Håfoss Kraftverk. Håfoss Kraftverk ligg ved Rullestadvatnet i Etne kommune i Vestland fylke, og eigar er Sunnhordaland Kraftlag (SKL). Estimert årsproduksjon er ca. 34 GWh.
Prosjektet vart ferdig levert i 2022 for SKL. Hywer sin leveranse inkluderte konstruksjon, produksjon, montasje og testing. Vatnet vert ført gjennom ei inntaksrist på 16 x 2,5 m og vidare gjennom ei vertikal rulleluke på 2,6 x 2,6 m. Vassvegen vidare er ein 290 m lang trykktunnel, før vatnet vert ført til kraftstasjonen i Dn2400 glasfiberrør.
Hywer berekna og teikna utstyret etter SKL sine spesifikasjonar. I samarbeid med kunden vart løysingane optimalisert, og modellar vart lasta opp og godkjente i SKL sitt prosjekthotell. Leveransen inkluderte følgande hovudsystem:
- arrangement for inntaksluke
- arrangement for fylling av vassveg
- arrangement for minstevasssføring
- port ved betongpropp
- glasfiberrøyr
Gode diskusjonar med SKL med kjappe avgjerder i konstruksjonsfasen og fleksibilitet hos både SKL og entreprenør på anlegg i forbindelse med montasjen bidrog til ein vellykka leveranse for Hywer.